After Effect Training - Earth Zoom

這個training係由我屋企開始zoom out至宇宙, 我先在google earth cap左8張圖, 由zoom in我屋企至地球最外圍, 再用after effect加入motion及雲層效果..

After Effect Training - Graffiti

近期開始研究after effect, 因為我深信我3D有幾好都無用, 有好多野都要用後期製作的, 而且玩得好after effect的話真係可以做出好多天花龍鳳的效果, 所以現在開始進入醉心研究期...

南泰上雜誌!!!

由我中學時期成立的足球隊"南泰", 早前有一編關於球會的報導刊登於足球雜誌SoccerWave中, 最離奇的是, 是我的舊同事從書中的幾粒pixel中發現我在其中, 呢幅相又細又out focus, 我自己都認唔倒自己, 竟然被他們發現, 真搞笑...

終成眷屬

前排忙於幫我的老友搞結婚短片(男的那位), 雖然只是搞左短短幾日時間, 但出來效果不過不失, 起碼主人家滿意, 在此祝這對新人"白頭到老, 永結同心" (嘩, 好行呀~~~)

~滾~

相信好多人都在周刊入面睇過, 但edit埋聲就真係搞笑好多...

久違了的感覺~~

有幾年時間沒有參加"康樂及文化署"搞的比賽, 更有幾年時間無囉過獎(以前好多架), 今年是我的球隊"南泰"進入第十四個年頭, 估唔到有個小小驚喜...十一月十八號, 球隊有運地由16強再打入8強, 十一月廿五號再由4強打入決賽, 最終得亞軍, 各隊友都打到得返半條人命, 因為我地only得7個剛剛夠人, 而且還在烈日當空下比賽, 連打兩場, 我更有隊友放工後立刻到球場比賽(返通霄班), 最後要靠"Redbull"維持生命, 所以今次我0地是超額完成的...(深水土步區男子七人小型足球比賽2007)

Encore DVD

早前的project因為要做dvd, 所以要先output做avi animation format, 再轉做mpeg2, 再轉做VOB至可以燒dvd, 煩到爆炸, 如果要做menu的話選擇又不多, 後來研究一下Encore DVD, 發覺呢個software真方便, 做menu點樣都得, 只要張photoshop既PSD掉入Encore上可以直接用作menu, 張mov掉入可直接撓DVD, 方便到爆炸...未用過的可以try try , 睇help就識用架啦, 不用買書或求人...

Software research "Reason"

係時候update下我的近況, 完成project後的我可以輕鬆下一, 但同時我開始實行我當初quit my job的第二個成承諾, 就是進行自修英文及各樣software研究, 前排因project問題所以問"音樂仁"借了"Reason"安裝, 因為我想自己彈奏配樂及edit, 雖然最後做到, 但效果不太滿意所以最終放棄, 但因這次機會令我對此software產生極大興趣, 因為能自彈自作自混音實在想心樂事, 而且此software是十分professional, 可以做出各樣效果,(同photoshop一樣, 易學難精), 在此再次多謝阿仁的幫忙及教學...

The Radiohead Webcast : Thumbs_Down

Radiohead在www.radiohead.tv開始了webcasting, 以下是其一的玩野之作...

Thom Yorke從Se7en中的紙箱內唱出新歌"15 Step"

其他漫畫家筆下的"龍珠"

<
來自日本不同的漫畫家, 畫出不同的風格

Rock爆 "Gatchaman"

Animetal - ガッチャマンの歌 (PsychoMarathon Live)

origanal ガッチャマン
不用多講, 睇下gatchaman主題曲可以有幾rock先啦...

David Sylvian Live in HK

British pop/rock band "Japan" 1974-1982, 1991
David Sylvian (The World Is Everything Tour 2007)

終於等到昨晚的日子, 唔係功課完成而興奮, 反而等倒佢來香港, 可能好多年輕人唔係太認識呢位型仔"David Sylvian",(可能有些人聽過佢0既歌唔知道, 因為卡通"Monster"電影版片尾曲是播他的歌的, 不知點解...) 當時70年代尾至80年代頭以japan樂隊風靡萬千少男少女的他, 我親眼見倒他時也被他迷倒, 雖然現在老了, 但他最殺食的聲線一點都無變過, 而他的親細佬, 前japan成員Steve Jansen都在場, 他的鼓技及靚仔外貌也是全場焦點. 昨晚現場我發現一樣怪現像, 就是以我在香港多年看外國show, 大多數人與鬼的比例是3:7, 鬼多過人(i mean 外國人), 但今日九成是香港人, 而我坐在VIP的位置中, 大多數是在香港造幕後的音樂人, 過過都欣賞得如癡如醉, 如果我比喻睇"陳奕迅"是飲可樂的話(因為易入口, 大人細佬都鐘意)咁"David Sylvian"就係紅酒啦, 重要係82年既"Lafit", 因為唔係人人都欣賞的, 但飲落好有味道, 回味萬份, 享受過程中更會有點醉意, 雖然門票要$780, 但我絕對覺得物有所價...

回．味 Taste of Nostalgia

終於完成, 整體大至滿意, 但又唔覺得有幾出眾, 還要看外界反應至作評論, 片名為"回．味"英文為"Taste of Nostalgia", 意思是尋回昔日的情懷, movie還在考慮以什麼形式上載網上分享給各位...

Movie...Coming soon

還有12日, 我既shot film就會面世, 到現時為止本人覺得production time還可以, 不過打後的日子希望在rendering時間裏, 能夠完成倒我個人創作的鋼琴音樂作背景啦...

小小鹹多多趣

AIDES Campaign Music : Baby Baby

AIDES Gay Awareness Music : Sugar Baby Love

French AIDS-Awareness video由導演 : Wilfred Brimo以動畫+MV手法處理的宣傳片, 故事低死畫面豐富Render精美, 這兩條片是他2006年的作品, 我剛剛在網上搵倒佢07年的新動畫, 大家download來看看吧!
AIDES PSA Music : My Boy Lollipop download

The Drawer of Memory回憶抽屜

雖然我的作品還有26日至完成, 但早前我在網上發現一間台灣學校"數位內容學院一年期動畫創作菁英班"(有點像香港ive, 政府有資助的)學生作品, 題材及手法有點像我的作品(我強調我無抄佢先)佢話呢份作品係第一份3d作品, 小弟就不太相信, 因為水準很高, 本人很欣賞的, 進入學內website有更多其他同學的作品(其他比較失色)
web here

Paint on the Wall

Open

Close

Belin

Conquista

Fantoche (2 times)

好出色的一個牆上繪畫artist, 其怪誕的主題最為吸引小弟, 作品偏佈世界各地, 作品不單只still, 更有好出色的animation, youtube只有少量作品, 進入他的website有更多still及mov...
web blu

互動的MV Arcade Fire "Neon Bible"

向來喜愛mv的我真的不能不推介這個mv給大家認識, 一個可以由你話事的mv你們見過未!!!Arcade Fire係一隊小弟近年熱愛的加拿大樂隊, 他們擅長利用不同的樂器及不同的Media作演出, 由其live show更令我看得如癡如醉, 估唔到今次他們玩到互動的mv, 簡單的light and camera actionscript, 畫面任你control. MV Director : Vincent Morisset
start here

超~超~超合金魂~~

一首好歌, 極具原創性及童年回憶, 記得留意歌詞...(多謝"貓屎"兄提供)

雙管齊下

Deadline打到0黎啦, 我時日無多, 必須"屎"出孖機戰術, PC x MAC機雙管齊下, 進行24小時non-stop工作(Rendering)...

Michel Gondry New Trailer "Be Kind Rewind"

上回講到Michel Gondry新trailer睇到我好期待套電影, 內容講jack black因意外導致要幫朋友拍返晒所有電影而成為cult片王, 過程極之攪笑, 費話少說, 大家欣賞吧!!!

今天很高興

今日真係玩得好高興, 因今天是舊同事阿仁的lastday bbq歡送會, 但小弟醉翁之意不在酒, 在乎飲酒玩樂也, 好耐都未玩飲得咁高興, 一來見返好多好耐無見過的舊同事, 二來得到好多舊同事的問候, 感覺很"渦"心,好多謝今天有問候過我及同我一齊玩的同事, 我真的很開心, (原本阿保婚宴上我都可以這樣玩的, 但當時我不知是否中了降頭, 不想玩不想食不想笑咁, 所以當晚佢地玩死左felix, 如果我無死可能佢無咁慘的, 或者會更慘...), anyway, 但天真的很高興, 但可惜當地燒烤場關門1:00, 太早了, 希望下次不是有人離開至有咁既聚會啦...

Michel Gondry 新廣告!!!

等左咁耐, MV導演Michel Gondry有新作啦, 今次唔係mv, 而係手電廣告, 不過有d失望, 因為都係玩返以前既concept, 無乜驚喜...不過我睇左佢新的電影預告, 呢個就好有驚喜啦, 遲下再傾..

2年前的原子筆畫

呢幅畫係2年前春茗後0係公司無聊時畫的, 畫面內有9位已遠走高飛, 2位已轉換隊目, 更有1位快將離去, 試下搵吧, 估中無獎...

Animation work in progress

近排工作得很不順暢, 因為animation唔係我的強項, 我的要求只是不要出事, 但求過得去, 但都很困難. 我明白到我的texture lighting做到幾靚都好, 無animation的話都只是一堆圖畫, 所以現在要花上大量時間去try and error, 務求令這個作品見得下人.

無聊事一則

"OK"呢個字, 如果以肯定及明亮的語氣說出, 可以解作"對" "無問題" "滿意"等意思, 但如果換作以語帶尾音的語氣說出, 會比人有"還可以"的意思. 歡迎的說話是有禮貌的, 但如果一日要講百九幾次的話會有點乏味. 今日在Circle K內買過東西後, 收銀姐姐同我講左句無聲氣的"OK歡迎你", 我第一時間諗, "0下, OK咋, 唔想講咪唔好講囉..."

可能是前所未有的電影預告

電影預告, 相信好多人都睇過, 一般都是將電影的精彩片段剪輯出來, 但這個充滿創意的預告還是第一次看, 這是2002年的電影"Femme Fatale", 導演是"Brian De Palma", 很多人都睇過其作品, 但未必認得佢(Mission: Impossible), 演員有聲演"史力加"貓貓的"Antonio Banderas", 預告是以fast forward手法播放一次, 看完後出字幕問你睇得明嗎?唔明睇多次啦! "吹脹", 因為電影是懸疑片, 睇完同樣未必明的, 所以trailer用了這樣的手法, 真高明.

One of the first CG MV

熟識我的人應該都知我有意向MV director的路線前進, 全因我是一個熱愛音樂及鐘情cg的小伙子, 張兩樣同樣喜歡的東西合併, 自然地會產生這個念頭. 現今的cg mv層出不窮, 但回想當年令我印象深刻的(相信我還是小學雞的時候)一定要數Dire Straits在1985年的"Money for nothing", 這隊經典樂隊的經典mv, 是第一個由computer animated製作的mv, 畫面的bg and character是現在每一個普通人都可做倒的超low-res model, rough layout的animation, lambert的texture及完全搵唔倒有lighting的lighting構成的mv, 但當年有這樣的mv是很突破性的(The video was awarded "Video of the Year" at the 3rd annual MTV Video Music Awards in 1986), 希望未來我也能製作出令人印象深刻的mv.

BG Set

這是一個傳統舊式街市內的麵檔, 要迎合我故事內冷清孤寂的氣氛, stylish化的燈效是很重要的, 在這裡要多謝jacky的專業寶貴意見.

3D Character

在沒有很多build model的經驗下, 要將2d layout入面的角色3d化而唔失去其神韻, 的而且確有點擔心, 好彩最後出來的效果總算ok. 雖然blend shape及rigging以經完成, 但最擔心的地方始終係animation那方面, 希望最後出來的結果都滿意啦!

Graduation Project Concept Art

這個老佰及麵檔就是把我暫停工作的元素, 因為這個是我在art school內最後一個project, 我想以這個project作賭注, 作我未來人生方向及實力的指標.

我的blog

真估唔到我都會寫blog, 因為當初我認識的blog, 只是一些電車男或豬扒女, 搵唔倒向朋友傾訴的而在網路中分享其無聊日記 (ICQ的變種), 但經過時間的轉變, 我開始發現有一些有深度的blog出現, 他們的blog像一篇散文, 一些評論的文章, 一些學術的分析及藝術的分享, 我覺得這樣的blog能給觀賞者從中有所得著. 再者, blog的出現能給現今社會的一種方便, 就是連繫朋友間的資訊, 一些(long time no see)的朋友也能透過blog的方便, 去了解朋友的近況, 更可以在blog中留下一些見面時不會說的意見及贊賞, 這樣的方便雖然是一種病態, 但無疑是不能一朝一直改變的事實(香港人的內歛?)
我也希望透過blog這樣的優點, 給予朋友們更了解我的近況, 分享我的創作及對世事的見解...