南泰猛將

好耐都係同呢班兄弟一齊去睇戲, 對上都已經係LORD OF THE RING啦, 成班麻甩仔去睇戲, 睇班大隻倒走黎走去, 都幾頂引, 最頂引睇完後發現我地剛好同套戲張poster一樣九條麻甩, 所以返屋企第一時間整張野黎攪下笑先....

南泰隊 2010

對上update南泰隊news都兩年前了，當年我地攞倒聯賽既亞軍，還希望下年有好成績，點知成續強差人意，佳因小弟出國工作的關係，球隊少了一個守門員，０９年回港後又因要幹電影特技而不能出席球會比賽，幸好年尾我趕得切參加一個杯賽，幸運地１６強隊手退出，８強不幸地遇上街場強隊"銀灣聯", 但鬼上身的隊友門戲劇性地勝出賽事，4強中上下一心死守到完場以一球小勝"良友"隊，最唔想見倒既決賽隊手"MU"撞到正，踼開街場都知 MU 有幾強，我地都本輸咁踼，點知隊友門又再次鬼上身，在3分2的時間內踼出五五波，只是3:2落後緊，但因少弟狀態不太好，全場心口都超痛，心跳勁快，一路踼一路覺得自己會死係球場，想換走，但又見隊友咁搏命唔想令隊友失望，可惜我地後勁繼，最後都輸5:2, 但我們己經踼出超水準，事隔兩年再能搵個亞軍杯仔都好開心了, 黎緊希望我可以復出做前鋒啦，我係時候要克復我斷腳的暗影...

Namtai Football Club 2008

Yeah~~踏入2008年, 我的球隊"南泰"昨晚完成埋上年最後的一場聯賽, 最終奪得亞軍成績, 今年是球會的15周年, 希望今年會有更多好成績, 攞多幾個杯同獎牌返屋企擺下...(相內還未人齊的, 相信人齊的話有成廿幾人倒, 但只有隊友結婚才有機會出現)

南泰上雜誌!!!

由我中學時期成立的足球隊"南泰", 早前有一編關於球會的報導刊登於足球雜誌SoccerWave中, 最離奇的是, 是我的舊同事從書中的幾粒pixel中發現我在其中, 呢幅相又細又out focus, 我自己都認唔倒自己, 竟然被他們發現, 真搞笑...

終成眷屬

前排忙於幫我的老友搞結婚短片(男的那位), 雖然只是搞左短短幾日時間, 但出來效果不過不失, 起碼主人家滿意, 在此祝這對新人"白頭到老, 永結同心" (嘩, 好行呀~~~)