30 Years of Apple Evolution

Apple 發展不知不覺已經超過三十年, 但相信 Apple 受廣泛市民所認識及使用都要數ipod啦, (注意係 ipod 既 PC version, ipod第一代都唔係咁多人買, 因為 only support Mac), 後來再加上 ipod mini及 ipod nano, 就更多更多人用 mac 既產品, 全因 support PC 呢個好處. 小弟及屋企人不是瘋狂追 mac 的人, 但因工作關係所以早在 G3 年代已經開始使用, 一直到 G5, 而 ipod 就不停地中佢計, 由第一代開始換到 Video ipod, 而最近全城當紅的產品 iphone 就無買啦, 本來都想買的(點解...一個字型)但當我發現我身邊所有人都用緊的時候, 同埋我用電話最主要都是打出同打入, 影相的話我有靚相機, 打機我有psp, 而我又唔多用PDA既時候就打消了這個念頭, 反而留返d錢買 MacBook Pro(我無去睇近期既演唱會都是呢個原因), 因為論機能及價錢(notebook), MacBook Pro真是最實惠的, 所以我決定等佢返貨就第一時間去買...

My Collection - Picks

近排有咁多live show睇, 不禁令我回想起在2000年間, 我在live show入面收倒的 Souvenir, 就是 Guitar Pick啦... 這六塊我深愛的 Guitar Pick, 其中只有一塊是在現場用錢買的, 其他五塊都是在現場欣賞表演時, 從演出者手上得到的, 新鮮滾熱的...好, 等我來逐一介紹...
左面數起 :

美國結他手 Paul Gilbert, 這塊就是我唯一一塊在現場用錢買的Pick (睇落好似用過咁, 其實是我攞過黎彈, 因為是買的, 無咁珍貴)

Deep Purple Guitar - Steve Morse, 這是我第一塊親手得到的Pick, 當年在紅館舉行的live show, (外國band能在紅館舉行是極之少有的, 唔係殿堂級都幾難做到), 我記得當時Steve Morse在彈結他時行過我面前, 他笑著向我飛出一塊Pick, 最Lucky的是我只是舉高手就接倒, 超準!!!(打後的pick都是辛苦得來的)...(我還記得"恭碩良"也接倒鼓手 Ian Paice飛出來的鼓棍)

Deep Purple Guitar - Steve Morse, 又係佢呀, 3年後再來香港, 今次無上次咁好運啦, 這塊pick是在完場後, 有一位外籍朋友幫手捉著我對腳, 把我的身駒推入欄杆內拾地上的pick, 再拉我回來 (因steve Morse飛得不遠, 而且有"食蕉"哥哥守著唔比我入去, 所以要人幫手推我入去), 好多謝呢個外籍朋友, 我還在過程中送左個臭屁給他, 真唔好意思, 因太緊張...不過, 竟然可以連續兩次得到我喜愛的結他手用過的pick, 真是發夢一樣...

Deep Purple Bass - Roger Glover, 同場的演出, 當我拿倒steve Morse的pick再搵返我一齊去睇show 的二家姐, 她竟然說也拾倒 Roger Glover的Pick, 哈哈, 一場show拾倒guitar佬及bass佬的pick, 真lucky...

瑞典結他手 Yngwie Malmsteen, 這位出名彈結他快到你睇唔倒既結他手, 首次來港是在大學會場內演出, 可惜我唔見了演唱會飛, 所以我check唔返時間及地點(演唱會飛也是我的collection, 遲下介紹), 這個show極之開放, 無"食蕉"可言, 我們可以走到台前捉他的腳, 勁free, 在這個咁high咁混亂的環境下, 千鈞一髮間我在地下拾倒他用過的pick, 因他彈得太激, 所以個pick好殘...

Franz Ferdinand - Nick McCarthy, 可能我在拾pick的經驗比正常人多好多, 所以這次我是憑經驗下當機立斷, 在完場的一刻不理"食蕉"的怒視, 跳出欄杆在台前拾地上的pick, 拾回後跳回欄後在隔離的妹妹仔話早知都跳出去啦...哈哈...這就是經驗啦...(這個pick的美中不足是pick中不是自家品牌, 不像其他樂手般印自己的名字在pick上)

希望黎緊睇show還有咁既運仔啦...

My Toys 2008

因為我想搵返我部第一代GAMEBOY出來的關係, 所以反轉了我屋企去搵, 結果都係搵唔倒, 失左蹤, 但換來我搵出08年前買回來的玩具. 有好多朋友都話我屋企無野, 其實我收埋晒遮, 呢到還不是全部來, 因為有部份係舊屋還未搬來, 但我已經覺得好誇張啦...(有好多都未開的), 但最大獲就係... 我還有好多想買呀~~~